السبت، 12 نوفمبر 2011

اعطينا الزاكاتاكا رانا فدينا من سياسة السطاكة

 

تحت انغام اغنية الراب الجديدة " نحب الزاكاتاكا" نكتب مقالي هذا تحت عنوان اعطينا الزاكاتاكا رانا فدينا من سياسة السطاكة

ڨالو عملنا ثورة ... ڨالو حققنا اهدافها ... قالو قضينا على الدكتاتورية ... ڨالو عملنا انتخابات ونزيهة زادة ... ڨالك انتخبنا حكومة جديدة ...... ڨالك كملنا المجلس التكسكيسي في 6 اشهر ... ڨالك البطالة قضينا عليها ... ڨالك تونس الاولى افريقيا في النمو الاقتصادي ... ڨالك الحكومة والشعب يصوروا قصة روميو وجوليات في التالف ... ڨالك... شطرطاف !!!
فيق ڨالو ثورة ڨالو اهداف ڨالو حكومة ... الله غالب سامحوني خليتكم تحلموا معايا هذيكا نتائج الزاكاتاكا ولا كيما نقولوا "فياغرا السياسة" تنشطلك الدورة السياسية الذكرية تولي معادش تخمم بمخك اما بحجات اخرى

ماكم تعرفوا عيطنا اعتصمنا وتظاهرنا وفيلخر عطونا فقوسة سياسية فشلت الشبيبة الكل عادى ڨالك الشباب ايا ندوروها شوية بلايك فياغرا سياسية باش نقوي دورتي الجنسية السياسية خاطر ركايبنا بيلو ماللهيط وراء الحق ... حق مانشوفوه كان في احلام  الزاكاتاكا ... كعبتين زاكاتاكا من عند الاحزاب والحكومة وتعديلك اياماتك كلها زتاكاتيكية تحقق فيها كل احلامك ... المهم ديما لازمك مخدر ماتتلهاش لا بالبطالة ولا بالسياسية ولا بالامن ولا بالمستقبل

فقط الزاكاتاكا هي الحل ... اخطاك من الصراع الايديولوجي راي الدولة الزكاتاكية هي الحل ... اخطاك من حكايات التبعية للاجنبي راو الاخلاص كان لزكاتاكا ... اخطاك منا نحنا نريحوك وبالزاكاتاكا نشيخوك وعيشتك نردوها مزاكاتاكية اكا بالضبط ... المهم حافظي على شعار الزاكاتاكا المقدس : لا ارى لا اسمع لا اتكلم ،الزاكاتاكا لينا والدولة ليكم

واحفظوا شعاركم الجديد : ياسياسة يا سطاكة اعطونآ الزاكاتاكا
المهم بلخطار كان واحد فيكم فهم الحكاية ... خاطر ملخر كلنا مدمنين الزاكاتاكا
مرسلة بواسطة Mansouri AmenAllah في 5:23 م

ليست هناك تعليقات:

إرسال تعليق

الاشتراك في: تعليقات الرسالة (Atom)
 
;